Paamen , tawi ko e Binndi Pulaar , e jamaanu laamu Mao Tse Tuŋ to Leydi Chine , ko Welo 🚴🏻♂️ 🚴🏾♂️ liggoroytenoo: so
demoyoowo , so jannginoyoowo ,
so cafroyoowo , so Ministre , so Député , so Planton , so Ouvrier.
Keewal otooji e diiraali mumen e cuurkeele mumen ustii.
Ɗiin dumunnaaji ɓe coodaani
essence no feewi , haa Leyɗeele Aarabeeɓe jeeyooje essence tini ɗum , nde tawnoo , aduna oo no diidorii , Yimɓe Chine ko nayaɓal mum
( ko biyeteeɗo Roger Garaudy wii noon , to wootere e defte mum )
Gooto fof , ndeen , to Chine , yamiraa yoo rem , kadi , yoo tuto leɗɗe. Yamiroore ndee rewaa. Nimsa alaa.
Ko gila ndeen ɓamtaare Leydi Chine fuɗɗii , haa ,
koɗɗo e koɗo fof tini Leydi ndii ɓamtiima. Gila ndeen , ngool jaarugol yeeso na ɓeydoo , ustaaki.
Teskoɗen:
biskaleet nani walla no feewi e ɓamtaare Mali ,
e Kotdiwaar , e Burki Nafaso.
A jaaraama , biskalet. Aan ɗee , yii maa , yaw maa , anndaa ko ngonɗaa !
Ɓamtata Leydi ko jogaade Gardiiɗo Moƴƴo jiɗɗo Leydi mum ,
kumpitiiɗo caɗeele Leydi mum , jom miijooji nafooji e golle jokkondirɗe , jom Wallidiiɓe Nuunɗuɓe, ɓalliiɓe yimɓe , tintuɓe ngoƴaaji yimɓe fof , to Gure Dowri e to Gure Mawɗe , liggotooɓe , ko aldaa e fuunti , aldaa e jinngol paafngol , aldaa e heedi heeda. Ɓamtata Leydi ko wakkilaare e dogde caakaan , e ustude ko heewi e neemaaji e feetuuji ( fête ) e jaɓde janngude , e jaɓde remde , e ustude haala
e ɗanle , tawa , kala fitiramgolle na liggoo karpat , tawa fof na fawii e laaɓondiral deedi e Rewdude Allah.
