Yoo Allah welemo
A jaaraama
e oo video
kolloowo en
Shariif Al Hassan Haydara
Gorko mo Ceerno joƴƴinnoo
to wooto e gure ɗe siñci:
Daarul Hijrati.
Alhaaliiji ɗii , waɗeede heen ” date ” na moƴƴi .
Innitaade , anndee , na moƴƴi .
A yii , faamaama , ndeke , o woni ɗoo e yewtude ko e
2 005.
O mo haala no ɓe ngadii soppirde nokku biyeteeɗo Daakaa oo .
Ngadiimi yiide oo Gorko , tawi o mo woɗɗi tawo naywude , ko Tambacounda .
Ceerno Bookar Al Hassan Sih
na jippini mo e galle Ceerno , galle hoɓɓe , biyeteeɗe ” Galle Sheex Tijjaani ” oo , hakkunde ” Galle Mawɗo ” e boowal
” Caali Mawki ” ɗo hawretee kala Dimanche , no Dental Ngal hawrirtee to boowal Jumaa Bop .
O ɓooyi Tamba ndeen hitaande ( 1968 )
Tawi o mo heddii e coosaan ɓooyɗo:
o waɗɗotonoo ko puccu .
Ceerno Bookar hollondiri min.
Kala nde njippiimi golle mi ara yiide mo . Heewi ko nantinananmoomi walla ko mbinndanmoomi ɓataakeeji makko e ko
” tiiroymi ” manndaaji makko .
Ko o neɗɗo keewnooɗo
” courrier “
iwratnooɗo baŋ yoo baŋ .
O waɗɗini e am meeɗde arde tawde mo to Wuro makko , Daaru.
Ɗum newoyii .
Mi ar Madiina , kaalanmi ɗum Ceerno , tan , Ceerno wii mi:
wata leeltin , luɓo welo njahaa .
Oo ko ɓiyiiko , ko Tokara am , arno ɗoo , ko Daaru faati jooni , njaadee .
Njaadumo e ɓiyiiko oo , Shariif Muhammad Sa’iid , biskalet am na rewi e biskalet mum , e nder laawol cewngol keewngol tule e ceene e beeli , keewnongol fiilto moolto , ɗiin sahaaji , haa min mbii jameet ɗo caali Shariif Al Hassan ɗoo .
Ndaw teddungal , ndaw weltaare ñande heen .
Caggal Geeƴe ,
o nawi mi nder suudu makko , min njewtidi haa iineer jamma.
Mi dañcii hono ɗuum e makko tawi mbeɗe ari salminde mo to Galle Ceerno , to Geejowaay .
Ko ɓe Jiyaaɓe Allah moƴƴuɓe , hasraysireeɓe ,
rewooɓe Allah no feewi , waawɓe
Al Qur aana ,
heewɓe gannde e sirruuji , jaabanteeɓe duwaawuuji .
Lasli Shariif Al Hassan ko Hawdu , to Rewo.
Ko o neɗɗo jooɗɗo taariix , keewɗo ɗo rewdaa .
Ko o baawɗo yiɗde e horsinde neɗɗo.
Ko o laaɓɗo reedu , keewɗo nafoore.
So o mo salmin maa , o weltotoo haa o wona tan e moomde junngo maa ,
omo wiya tan marhaban
marhabti e ko nanndi heen …
Ceerno wiyiino e makko ,
e jettugol Allah:
« oo Shariif , ko juuɗe mum boɗeeje ɗee dee remiranta mi »
Ceerno wiyiino e makko ko wa’i no
« hakkunde makko e Allah ko duumaade e ŋabbude tan na telloo »
Afo makko moƴƴo no feewi oo ,
Shariif Muhammad Sa’iid , na reeni e hoore mum ,
hadiseeje keewɗe sanne e ko heewi no feewi e ballifi Winndooɓe Aarabeeɓe e ɓe ngonaa Aarabeeɓe.
Ko o neɗɗo keewɗo pinal aduna e teskuyaaji .
Ina e yimɓe ko « yiiti malee »
no Ceerno Al Hajji Uçmaan Caam wiyirtunoo ɗum nii.
Yoo Allaahu anndondir en e moƴƴuɓe , O waɗda en e moƴƴuɓe.
Neɗɗo moƴƴo , hay innude ɗum na moƴƴi.
[[ innda zikri – š – Šaalihiina tatanazzalu – r – Ruhamaat]]
( a r ruhamaat –> jam ‘u:
ar Rahmaani – r – Rahiimi ! )
L . 11. 11. 2 024
https://www.youtube.com/watch?v=3m-LU82S_5w
