Texte Pulaar

Pulaar

BismilLaahi

Etoɗen artirde ɗoo seeɗa e ko kaalnoden
e huunde e

Histoire de France , Taariix France.

Ko ko jaanganoo gila CE1 haa 3 ème Collége , tuggude e Vercingétorix haa yettii Degaulle.
En mbaddii heen sawtu , woni
son/audio.
E nder oon “audio” men , en innii hay inɗe lomtinooɓe Degaulle , hay so en mbinndaani inɗe mabbe e diiɗoo
binndi.

Taariix France

na nanndi no feewi e Taariix Aarabeeɓe.

Ɓureten hannde naayoraade ko to baŋŋe
mawnugol e kaawnagol
mahateeje
ɗe wonnooɓe Laamɓe France ɗacci.

E Histoire de France, kala gonnooɗo roi walla empereur jogotono Ministraaji , wallooɓe ɗum.
Ina woodatnoo heen nuunɗuɓe
wallooɓe laamɗo oo no feewi.
Ina wonatnoo heen soomɓe janfa , na mbaddi e “añɓe laamɗo oo” junngo e faandu , e suuɗnde.
Won heen e ɓalliiɓe lamɗo oo na ɓuratnoo lollude laamɗo oo.
Eey
won heen na ɓuratnoo laamɗo oo jawdi e “yooɗde hoɗorde”.
Ina woodnoo e saraaji laamu hee wiyeteeɓe seigneur en.
Ko ɓe yimɓe maantiniiɓe , teddinaaɓe , hulaaɓe , reentaaɓe heen sahaaji.
Ko ɓe ɓiɓɓe laamɓe meeɗɓe laamaade , walla koreeji ɓeen meeɗnooɓe laamaade , walla taaniraaɓe mumen haa e njaatiraaɓe mumen.
Kala nde jolnoo e seigneur en wallude laamɗo oo no laamorii , laamu makko newoo.
Kala nde jolnoo e seigneur en ruŋtaade laamɗo oo , walla fompaade ɗum , walla haɓaade ɗum , Laamɗo oo tampa.
Tawi kadi laamɗo oo na jogii e nder laamu mum Yimɓe Diine , jom konngol en , jom sañ sañ en , jogiiɓe yimɓe rewɓe e mumen haa heewi , heewɓe almuɓɓe ( ouailles )
Ko ɓeen ngoni mawɓe clergé en ,
ko ɓe ecclésiaste en , woni ko ɓe Mawɓe Diine , ko ɓe kerecee en.
Ina e maɓɓe katolik en ( almuɓɓe Saint Augustin en , Sainte Thérèse en )
Ina e maɓɓe protestaa en
( almuɓɓe Calvin e Luther )
Ina woodnoo kadi yimɓe teddinaaɓe , ittanaaɓe geɗal
ngam ñaamgolluuje mumen
walla ɗe jiknaaɓe mumen
walla ɗe taaniraaɓe mumen , tawi ko
e nder armée en , ngalu en , ganndal en.
Ko “Roi” oo walla “Empereur” oo “nomata” e ɗiin “martabaaji” walla ɓe be lomtini.
Ina jeyaa e ɗiin
“martabaaji” ndimaangu ,
keewɗi , ceertuɗi , ndeen , to France:
Comte , Vicomte , Baron ,
Duc , Grand Duc , Archiduc , Marquis e inɗe goɗɗe, tawi heen innde fof joopotoo ko ndimaagu ( noblesse )
Heen huunde fof Gorko na wona ɗum , Deɓɓo na wona ɗum. Won heen ko
haaɗaata tan e neɗɗo gooto , won heen ko ronetee. Won heen ko dongol mum rewata e Baabiraaɓe , won heen ko dongol mum rewata e Yummiraaɓe.
Ina woodnoo Rimayɓe e Ñeeñɓe. Ina woodnoo Rewooɓe e Rimɓe , na njaha e Gure , na mbata Rimɓe mumen , na mbuta ɗumen.
Ina jeyanoo e ɓeen mantooɓe , ñaagotooɓe: troubadour en , trouvère en , menestrel en.
[[ won meeɗnooɗo addande Laamɗo Louis 11
” betterave” mawɗo. O rokki oon ndimaangu
~ puccu goro timmuɗo , baɗɗeteeɗo ~
Woodi nanɗo ɗum , addani Laamɗo oo puccu ndimaangu pattamlamu ~ un superbe coursier ~ Lamɗo oo rokki mo “betterave” mawɗo mo oya addunoo oo , wii mo: so a yehii , liggo , oo “betterave” “roosiraa” ko warñeende ]] So en ƴettii , e yeru tan , taƴatinnde dumunna hakkunde laamu François 1er e ngu Napoléon 3 , heewɓe laamiima heen:
Henri 4 e Ɓiyum Louis 13 , Louis 14 ɓii Louis 13 etc.
Na jeyaa e geɗe maantiniiɗe ɗe kala heen laaminooɗo gollunoo: mahateeje jaajɗe toowde jooɗɗe kaawniiɗe.
Hay so won e ɗeen mahateeje jirbuɗe ko booyi , ko ɓuri heewde e
ɗeen mahateeje na lutti haa ñallunge hannde , na keɗɗodii e “meublaaji” mumen , e “jardinaaji” mumen , e kala ko ina holla nguurndam e karallaagal e ñeeñal e ngalu e hay bewre hoɗnooɓe heen ɓee.
Ina heen ɗe rontuɓe ɗumen koɗi heen haa jooni.
Ina heen jeeytaaɗe jom jawɗeele en.
Kono noon , ko
ɓuri heede e ɗeen mahateeje , gila e koɗorɗe neemiiɗe haa e janngubaaji
( chapelles , églises ) wattaama
— “birooji” , nokkuuji golle — walla “musée” , nokkuuji mooftirɗi geɗe cosaan ciftinooje no wuurdanoo adan
— walla
nokkuuji denndirɗi yewtooɓe e geɗe kimmuɗe
— walla nokkuuji diwtikinorɗi
— walla na udditanee “touriste” en , immortooɓe ɗo kala , na njoɓa na njeeɓa:
Château Ambroise ,
Chambord ,
Blois , Frontenac , Louvre , Luxembourg ,
Fontainebleau ,Saint Germain , Tuileries , Malmaison , Versailles etc.
Ko Leyɗeele Europe ɗee fof , e ɗe ɓe laaminoo ɗee , keewnoo hono ɗeen koɗorɗe.
Nawi heen “raay” ko Pays de Galles.
“Chateau – ji”
na keewirnoo toon no Jamaaji keewiri e nder won e Gure Sénégal.
Rewi e Pays de Galles e heewde mahateeje ɗe cifotoɗen ɗoo ɗee ko France.
Joliino e nder Tuubakooɓe pompondiral manngal ( bannde waɗi , mbaɗaa )
Yananiino ɓe
kareeli keewɗi , juutatnooɗi heen sahaaji , ɗi mbelaani jaŋtaade , tawi ko e hakkundeeji laamuuji maɓɓe , walla e hakkundeeji diineeji maɓɓe
( Marignan , Guerre de Cent Ans , Nuit de Saint Barthélémy , Révolution , Campagnes de Napoléon etc. )
Wonnoo nder France ko Diine Kereceen, haa Leydi France na inniree ” Ɓii Eglise “.
Won heen e maɓɓe ngonnoo ko “Katolik” en , e pecce mumen keewɗe ( almuɓɓe Saint Augustin en , Sainte Thérèse en etc. )
Ɓee heen e maɓɓe ngonnoo ko “Protestaa” en , e pecce mumen ɓurɗe heewde ( almuɓɓe Calvin en , Luther en etc. )
Ɓeen Yimɓe Diine Annasaaraa , ndeen , na cemmbunoo.
E ɓe keewnoo yimɓe rewɓe e maɓɓe. Laamɓe ƴoƴɓe ɓee fof na maslondirtunoo e maɓɓe.
Biyeteeɗo Richelieu wonnoo ko “dimo” to jibinannde
( ɗuum na teskanoo no feewi ɗiin sahaaji to ɗiin nokkuuji )
O wonnoo ko
ganndo no feewi , gooto e mawɓe e nder Diine Annasaaraa
( Kereceeyaagal )
Haɗaani , o liggodiima e laamɓe tato, heptinnooɓe mo , koolii mo.
Kirameeje mawni heen.
O ɓuri lollirde ko wonnoode 1er Ministre Louis 13.
Heen sahaaji Kalfaaɗo na ɓuratnoo lollude e “heewde ɓayre” e Kalfuɗo ɗum oo.
Richelieu na lollirnoo heewde jawdi
e mahande hoore mum mahateeje kaawniiɗe , e toppitaade Laamateeri France ndi France laaminoo ( “caggal maaje” , Outre – Mer ) e nder aduna hee no diidorii , to Asie , to Amerik , to Afrik , to won e Tule nder maaje Pasifik e Atalantik
( Empire Colonial )
Ko ɗum koloniiji, “colonies”.
Helmere colonie firata ko ngesa.
France na heɓatnoo e ɗiin nokkuuji ɗi laaminoo kala nooneeji ngalu.
“Tulde” ko île , so heewii ko tule. So na famɗi , yaajaani , ko tulel / tulon.
Haa jooni France e Anngalteer e Espaañ na njogii leyɗeele ɗe ɓe ndokkaani tawo jeytaare mumen ( indépendance )
Won heen ndonku heɓde.
Won heen njiɗaa heɓde.
Nde Richelieu habraa wonde yiitaama to Senegaal nokku mo weeyo mum nanndi no feewi e weeyo France , woni Ndar , tawi ko Gurel Awooɓe tan wonnoo “ngaan saanga” , o wii yoo nokku oo toppite , feewnee.
O inniri nokku oo Taanum Laamɗo makko oo , woni Louis 13.
Oon Taaniraaɗo lollunooɗo ko Louis 9 , nganndiraaɗo Saint Louis , keddinooɗo to Tunis oo.
Ko nawnoo mo toon , haa o
maayi toon ?
Taariix na haani anndeede , hay so wonaa fof mum haani haaleede.
Wiyetee Taariix ( histoire ) ko jaŋtawol ko meeɗi jolde tigi tigi e les naange Allah nge.
Ina seerti e Tinndol.
Ganndal Taariix na heewi sinndondireede e ngal géographie , lelngo leydi e no ndi hoɗiraa.
Wadde
Tuubakooɓe inniri Wuro Ndar ngoo oon Saint Louis.
Ina anndaa won gure na njogoo inɗe ɗiɗi walla ɓura
( Ndar/Saint Louis , Njaareem/Diourbel , Tinngeej/Rufisque ,
Saint Petersbourg walla Pétrograd
walla Leningrad ko wuro wooto ngoo , to Russie.
Hol heen innde ɓurnde reweede ?
Kadi , wuro
Saint Louis woɗngo na woodi , to Louisiane.
Saint – Louis du Sénégal
yaawii liggeede e mawnude , haa ngo woni pattamaawo , ngo waati no wuro e nder Gure Europe.
Ngo wontoyi Laamorgo Senegal haa e 1957.
Ko haaletee ɗoo koo fof ko hakkunde 1700 en e 1800 en.
Tawi ko laaɗe ndiyam e laaɗe njoorndi , e pucci baɗanaaɗi wotiiraaji mawɗi ( carosses )
na ngoodi , fof mum na ɗannoree.
Kono tawi ko wiyetee oto koo ( auToMoBiLe )
so jolii ne , ko gootel gootel.
Otomobel fuɗɗii yuurnaade aduna ko e 1789.
So en ŋabbitii ko adii ɗuum , mbiyen
Richelieu ligganiima France ko heewi.
Ndarankooɓe ,
Doomu Ndar en , na nganndiraa , haa jooni , geɗe didi: yiɗde Lislaam e yiɗde Tuubaŋkaagal sabu ɓooydude e Tuubakooɓe.
Ina woodnoo to Ndar Gorko moƴƴo juulɗuɗo kaaraysire balloowo balliftooɗo ñaawoowo keewnooɗo ko ɗannii haa teeŋti e faade to mbunndi mbunndi Rewo.
O wonnoo ko kadi ( Qaadii )
O mo wonnoo kadi diisnondirɗo ( conseiller ) e nantinoowo ( interprète ) hakkunde Gouverneur en e Ɓaleeɓe.
“Guwernooraaji” Sénégal njoodotonoo ko Ndar ( Saint – Louis )
ɓe mbiyetenoo ko Borom Ndar en ( Jom Ndar ) Ɓe ngonnoo ko laamɓe sañɓe jooɗantonooɓe France e nder Leydi Sénégal.
“Kippunoo” ɓe , “kippi” A.O.F f o f , ko Gouverneur Général jooɗotonooɗo Dakar oo.
Gorko Ndaraŋke mo cifiɗen oo ko
Bou El Moghdad Seck
O nantinii
gila e Protet haa e Brière de Lisle , rewi e Faidherbe, korsinnooɗo mo haa wonaa seeɗa
( ina winndaa )
Oon Bou El Moghdad ko ɓii Abdullaahi Seck e Yaasiin Gay.
Ko kanko inniraa laana mawka ( bateau ) mbiyeteeka Bou El Moghdad kaa ( Bul ) tiiɗka , ɓooyka , ka Leydi Hollande feewnunoo.
Ka dogii e 1950 haa e 1970 hakkunde Ndar e Kaay , tawo , wontoyi Ndar Bakkel , wontoyi Ndar Matam , no diƴƴe maaje ustortonoo ngam yoorooji ( sécheresse )
Ka nawatnoo ko yimɓe e bagaas e “courrier”
( ɓataakeeji e ko nanndi heen )
E 1970 ,
ko kaŋka nawnoo Denɗam gooto , korsuɗo , tuggude Demeth haa Matam.
Sakket oo , e nder ndeen hitaande tigi ,
ka joofi Ndar , ka dogaani haa 1974.
E 1975 , biyeteeɗo
Georges Consol soodi ka , nawi ka to Maayo Saloum ( haaɗngo , “bras de mer” saltungo e “Geec” Atlantik , no ngo Fatick ngo , Sine )
O
waɗi ka annamma Hôtel ‘Touriste” en.
En njiino ka ɗoon , ɗo hucciti e “bureau douane” ɗoo.
E 1980 ka waɗti dogde hakkunde Ndar e Podor.
E 1982 , e ka woni Kaolack , e ka yaha Casamance , haa Guinée Bissao, haa Sierra Leon.
Ka natti kadi dogde.
E 2005 biyeteedo Jean Jacques Bancal e wallidiiɓe mum coodi ka , nawti ka Ndar.
Gila ndeen ko ka laana touriste en e ɗanniyankooɓe ɓe keppaani , Ndar faade Podor , hakkunde Oktoobar e Mai.
En kollaama ka ñanndeen e Video What’s App , e ka iwi Podor e ka faati Ndar.
Ina e yimɓe na paami tigi ko woni “WatSap” nafoowo.
Al Hamdu lil Laahi.